Հեմատոէնցեֆալիկ պատնեշ

Հեմատոէնցեֆալիկ պատնեշը - հյուսվածքաարյունային պատնեշ է ,մի կողմից, արյան և ,մյուս կողմից , ողնուղեղային հեղուկի և նյարդային հյուսվածքի միջև , այն ֆիզիոլոգիական “ֆիլտր” է , որը կանոնավորում է նյութափոխանակությունն արյան և ուղեղի հյուսվածքի միջև։

Կազմաբանությունը

Հեմատոէնցեֆալիկ պատնեշը կազմված է`

• արյունատար մազանոթների էնդոթելից /նայիր էնդոթելի ֆունկցիան/
• մազանոթների հիմային /բազալ/ թաղանթից
• աստրոցիտների ելուստների սահմանային գլիալ թաղանթից։

Ֆունկցիա

• հոմեոստազի պահպանում
• փոխադրական
• պաշտպանողական։

Գործողության մեխանիզմը

Հեմատոէնցեֆալիկ պատնեշն անթափանցելի է ինչպես օտար, այնպես էլ օրգանիզմի կողմից արտադրվող բազմաթիվ միացությունների համար։

Հեմատոէնցեֆալիկ պատնեշը խոչընդոտում է կենտրոնական նյարդային համակարգ արյան միջոցով տաղափոխվող թունավոր նյութերի, նեյրոմեդիատորների, հորմոնների, հակաբիոտիկների /ինչը դժվարեցնում է գլխուղեղի և դրա թաղանթների ինֆեկցիոն ախտահարումների բուժումը/ ներթափանցումը, պահպանում է էլեկտրոլիտային հավասարակշռությունը /բալանսը/, ապահովում է որոշ նյութերի /գլյուկոզա, ամինոթթուներ/ ընտրողաբար տեղափոխումն արյունից դեպի ուղեղ։

Հեմատոէնցեֆալիկ պատնեշը հաղթահարելու համար մոլեկուլները պետք է լինեն կամ չափազանց փոքր /ինչպես թթվածնի մոլեկուլները/, կամ պետք է օժտված լինեն գլիալ բջիջների թաղանթի լիպիդային բաղադրամասում լուծվելու հատկությամբ /ինչպես էտանոլը/։ Բացի այդ, որոշ նյութեր կարող են անցնել հեմատոէնցեֆալիկ պատնեշն ակտիվ փոխադրման միջոցով

Հարցեր, պատասխաններ, մեկնաբանություններ